II. Bikote Mistoen Triatloi Herrikoia
2023 Irailak 24, igandea, 11:30etan
- Distantzia: 350 m – 7 km – 2,250 km.
- Emakume eta gizonezko batez osatutako bikoteak. Bikoteak elkarrekin joan behar du proba guztian zehar.
- 14 urtetik gorako edonork hartu dezake parte (<2009).
- Triatloi lizentzia ez da beharrezkoa eta lizentzia dutenek ere osatu dezakete bikotea.
- Irteera 10 bikoteko taldeetan emango da, minutu bateko tartearekin irteera batetik bestera.
- Dortsal zenbakiak izen-emate ordenaren arabera zehaztuko dira, eta irteerek segida bera jarraituko dute.
- Proba hasiera: lehen taldea 11:30ean hasiko da, eta azkenengoa 11:55ean.
- Anoa-gune bat egongo da, helmugakoa, eta parte-hartzaile guztiek triatletaren poltsa jasoko dute.
- Parte hartzaile bakoitzaren denborak txiparen bitartez kontrolatuko dira.
- Errepideko zein mendiko bizikletarekin hartu daiteke parte (elektrikoak debekatuta daude).
1 emakume, 1 gizonezko
Gizonezko adina emakume bilduko dituen lehen triatloia
Ibilbidea
Igeriketa (350 m)
Zarauzko moilatik Munoa plaza parera. Moilako irteeran, Amabirjinaren parean, uretatik emango da irteera. Hamar bikote aldi bakoitzean, minutu bateko aldearekin. Taldeak aurrez ezarriak egongo dira. Itsasoan, moilatik 150 metro ingurura buia bat jarriko da. Hura eskuin aldean utzi eta hondartzarantz jo beharko dute igerilariek. Munoa plaza parean, hondartzan kokatuta egongo den arkupetik pasa eta eskailerak igoaz trantsizio gunera joan beharko dute.
Bizikleta (7 km)
Munoa plazatik N634 errepidean Getariarantz. Iturritxikin buelta eman eta N634 errepidean barrena, Zarauzko Munoa plazara. Buelta bakarra. Zirkuitua trafikora itxita egongo da. Hasiberrientzat diseinatutako ibilbidea da, aldaparik gabea Errepideko zein mendiko bizikletarekin hartu daiteke parte (elektrikoak debekatuta daude).
Korrika (2,250 km)
Zarauzko hondartzako pasealekuan. Munoa Plazako eskailerak jaitsi eta itsas pasealekua zeharkatuz Argiñano jatetxeraino joan, Pergolan buelta eman eta Duke parean (Belantzaran plaza) amaituko da lasterketa.
ADI! Dortsal zenbakiak izen-emate ordenaren arabera zehaztuko dira, eta irteerek segida bera jarraituko dute. Irteera bakoitzean 10 bikote aterako dira, irteera batetik bestera 60 segundoko tartearekin.
Parte hartzaile bakoitzaren denborak txiparen bitartez kontrolatuko dira.
Ibilbidearen planoak
Igeriketa
T1
Bizikleta
T2
Korrika
Boxeak
Helmuga
Festa giroa
Proba motza izango da, 11:30ean hasi eta guztiak 13:30etarako parrillada egiten ariko gara. Bizikleta bat ere zozketatuko da parte hartzaile guztien artean.
Araudia
- Triatloi proba hau Euskadiko Triatloi Federazioaren araudiaren araberakoa da.
- Bizikletako ibilbidean errepidea trafikoari itxita egongo da.
- Errepideko zein mendiko bizikletarekin hartu daiteke parte (elektrikoak debekatuta daude).
- Uraren tenperatura 22 gradutik gorakoa bada, debekatuta egongo da neoprenoarekin igeri egitea. Uraren tenperatura 15,9-22 gradu bitartekoa bada, hautazkoa izango da neoprenoa janztea eta urak 15,9 gradu baino gutxiago baditu, derrigorrezkoa izango da.
- Trantsizio gunea 9:30ean zabalduko da eta 11:15ean itxi. Nortasun Agiria aurkeztu beharko da. Ez da Federazioko lizentziarik beharko.
- 2009 urtean edo lehenago jaiotako edonork hartu ahal izango du parte proban.
- Bikote ezberdinen artean draftin-a onartuko da. Bikoteko bi kideek elkarrekin burutu beharko dute proba. Trantsizio gunetik beti elkarrekin atera beharko dute.
- Antolatzaileek ibilbidea egokitzeko eskubidea izango dute eta baita proba neutralizatzekoa, baldintza meteorologikoek edo bestelako ezustekoak horretara behartuz gero. Itsasoaren egoera txarrak hala behartuz gero, igeriketako zatia kendu eta proba duatloi herrikoi batean bilakatuko litzateke.
- Antolatzaileek partaidetza onartzeko eskubidea izango dute.
- Antolatzaileek partaide edo ikusleei sorturiko kalte moral eta materialen ardura ez dute eurengan hartzen.
- Partaide guztiei probaren inguruko informazioa helaraziko zaie eta informazio puntu bat ere jarriko da edozein zalantza argitzeko.
- Irteerak bikoteka emango dira, aldi bakoitzean 10 bikote aterako direlarik. Minutu bateko aldearekin emango dira irteerak.
- Bikote bakoitza emakume eta gizonezko batez osatuak egongo dira.
- Parte hartzaileen arteko aldaketa ez da onartuko. Izen ematea pertsonala eta transferiezina da.
- Bizikletako zein korrikako atalean nikia edo tritrajea janztea beharrezkoa da. Ezin da soina biluzik eraman.
- Parte hartzaileak trantsizio gunean uzten duen material guztia kaxan sartuta utzi beharko du.
- Arropa zaindegian poltsak uzteko garaian, poltsetan baliozko edo apurkorrak diren objektuak ez sartzea aholkatzen du antolakuntzak. Objektu horiei zerbait gertatuz gero, antolakuntza ez da arduradun egingo.
- Bikotea osatzen duten bi partaideek dortsal zenbaki bera eramango dute. Bi partaideek elkarrekin egin beharko dute ibilbide guztia.
- Talde guztiek bizikleta ibilbidea 13:00tarako amaituta eduki beharko dute. Hortik aurrera, ez da denbora mugarik ezarriko.
Proban izena emateak probaren araudia onartzea dakar.
Programa
Dortsal banaketa
-
Irailak 23, larunbata, 10:00-13:00 Arazi bulegoan, Nafarroa 37B, Zarautz (Euromar dorrean)
-
Irailak 24, igandea, 9:00-11:00 Zarauzko itsas-pasealekuan, Duke-Enea parean
Derrigorrezkoa da nortasun agiria zein izen ematearen ziurtagiria aurkeztea.
Boxeak
-
9:30-14:15 Materiala boxeetan uzteko denbora-tartea
Bertan sartzeko NAN-a aurkeztu beharko da eta zenbakiak eta dortsalak prest eduki beharko dira.
Markaketa
-
9:30-11:15: boxeen sarreran, sartu aurretik, partaide bakoitzari bere dortsal zenbakia ezker besoan eta hankan markatuko zaio
Arropa zaindegia
-
9:30-14:00: Munoa plaza azpian
“Triatletaren poltsa” jasotzeko garaian partaide guztiei zinta itsaskor bat emango zaie norbere gauzak sartuko dituzten zorroan ipini ahal izateko.
Izen-ematea baliogabetzeko politika
Izen-ematea baliogabetzen bada proba eguna baino bi hilabete edo gehiagoko aurrerapenarekin (uztailak 24 arte), izen-ematearen kuota osoa itzuliko da. Bi hilabete eta hilabete arteko aurrerapenarekin (uztailak 25 – abuztuak 24), izen-emate kuotaren erdia itzuliko da. Azken hilabetean (abuztuak 25etik aurrera) ez da inolako itzulketarik onartuko.
Antolatzailearenak ez diren arrazoiengatik proba bertan behera uzten bada (arrazoi meteorologikoak, agintariek hala aginduta, etab.), ez da dirua itzuliko.
- Harremanetarako: info@niktri.eus
- Informazio gehiago: www.niktri.eus
Izen-emateak
55 euro/bikoteko, 27,5 euro pertsonako
(Abuztuak 31 arte)
65 euro/bikoteko, 32,5 euro pertsonako
(Irailak 18 arte)
Triatloian hasteko proba ezinhobea
Triatloian hasi berria bazara eta oinarrizko kontzeptuak jakin nahi badituzu, informazio hau lagungarri izango zaizu:
https://www.triatloiamaitedut.eus/triatloia/
Jakin beharrekoak:
Prestatu proba datozen 12 astetan
12 asteko entrenamendu taulak eskaintzen dizkizugu, Super Sprint distantziako proba hau prestatzeko oraintxe duzun forma fisikotik abiatuta, Triatloia Maite Dut egitasmoaren eskutik.
Lo egiteko leku bila al zabiltza?
Gran Camping Zarautzek eskainitako glanpina probatu edo zure furgonetatik ilunabarraz disfrutatu, urte osoan zehar zabalik: https://www.grancampingzarautz.com/